1ܘܢܝܼܫܲܢܩܵܐ ܓܘܼܪܵܐ ܦܸܫܠܹܗ ܚܸܙܝܵܐ ܒܫܡܲܝܵܐ؛ ܒܲܟܼܬܵܐ ܕܠܒܼܝܼܫܬܵܐ ܫܸܡܫܵܐ؛ ܘܣܲܗܪܵܐ ܬܚܘܿܬ ܐܲܩܠܘܼ̈ܗ̇؛ ܘܥܲܠ ܪܹܫܘܼܗ̇ ܬܵܐܓ̰ ܕܬܪܸܥܣܲܪ ܟܵܘܟܼܒܼܹ̈ܐ؛ 2ܘܒܛܝܼܢܬܵܐ ܗ݇ܘܵܐ. ܘܡܲܩܘܸܚܵܐ ܗ݇ܘܵܐ؛ ܟܲܕ ܓܵܪܫܵܐ ܗ݇ܘܵܐ ܚܸܒܼܠܹ̈ܐ؛ ܘܓ̰ܲܢܓ̰ܸܪܵܐ ܗ݇ܘܵܐ ܠܝܼܠܵܕܵܐ. 3ܘܦܸܫܠܹܗ ܚܸܙܝܵܐ ܢܝܼܫܲܢܩܵܐ ܐَܚܹܪَܢܵܐ ܒܫܡܲܝܵܐ؛ ܘܗܵܐ ܬܵܢܝܼܢܵܐ ܓܘܼܪܵܐ ܣܡܘܼܩܵܐ؛ ܕܐܝܼܬ ܠܹܗ ܫܲܒܼܥܵܐ ܪܹ̈ܫܵܢܹܐ ܘܥܸܣܪܵܐ ܩܲܪَ̈ܢܵܢܹܐ؛ ܘܥܲܠ ܪܹ̈ܫܵܢܘܼܗܝ ܫܲܒܼܥܵܐ ܬܵܐܓ̰ܹ̈ܐ. 4ܘܛܘܼܦܪܹܗ ܒܸܓܪܵܫܵܐ ܠܚܲܕَ ܬܠܝܼܬܵܝܵܐ ܕܟܵܘܟܼܒܼܹ̈ܐ ܕܫܡܲܝܵܐ؛ ܕܕܸܪܝܵܝܠܹܐ ܒܐܲܪܥܵܐ. ܘܗ̇ܘ ܬܵܢܝܼܢܵܐ ܟܸܠܝܵܐ ܗ݇ܘܵܐ ܩܵܕ݇ܡ ܒܲܟܼܬܵܐ؛ ܗ̇ܝ ܕܗܲܕܝܼܪܬܵܐ ܗ݇ܘܵܐ ܠܝܼܠܵܕܵܐ؛ ܕܐܝܼܡܲܢ ܕܝܵܠܕܵܐ ܐܵܟܼܸܠ ܗ݇ܘܵܐ ܠܹܗ ܝܵܠܕَܘܼܗ̇. 5ܘܝܠܸܕܠܵܐ ܝَܠܵܗ̇ ܐܘܼܪܙܵܐ؛ ܗ̇ܘ ܕܗܕܝܼܪܵܐ ܝܠܹܗ ܠܡܲܪܥܘܼܝܹܐ ܠܟܠܵܝܗܝ ܛܵܝܸܦܹ̈ܐ ܒܚܘܼܛܪܵܐ ܕܦܪܸܙܠܵܐ؛ ܘܦܸܫܠܹܗ ܓ̰ܢܝܼܘܵܐ ܝܵܠܕَܘܼܗ̇ ܠܟܸܣ ܐܲܠܵܗܵܐ؛ ܘܠܟܸܣ ܬܪܘܿܢܘܿܣ ܕܝܼܹܗ. 6ܘܒܲܟܼܬܵܐ ܥܪܸܩܠܵܐ ܠܒܲܪܝܼܵܐ؛ ܐܲܝܟܵܐ ܕܐܝܼܬ ܗ݇ܘܵܐ ܠܵܗ̇ ܕܘܼܟܬܵܐ ܕܗܘܼܕܸܪܬܵܐ ܡ̣ܢ ܐܲܠܵܗܵܐ؛ ܕܬܵܡܵܐ ܬܲܪܣܝܼ ܠܵܗ̇ ܐܲܠܦܵܐ ܘܬܪܹܝܡܵܐܐ ܘܐܸܫܬܝܼ ܝܵܘܡܵܢܹ̈ܐ. 7ܘܗ݇ܘܹܐܠܹܗ ܦܠܵܫܵܐ ܒܫܡܲܝܵܐ؛ ܡܝܼܟܼܵܐܹܝܠ ܘܡܲܠܲܐܟܼܘܼ̈ܗܝ ܠܦܠܵܫܵܐ ܥܲܡ ܬܵܢܝܼܢܵܐ؛ ܘܬܵܢܝܼܢܵܐ ܘܡܲܠܲܐܟܼܘܼ̈ܗܝ ܦܠܸܫܠܘܿܢ؛ 8ܘܠܵܐ ܡܨܹܠܘܿܢ ܒܝܼܵܝܗܝ؛ ܘܕܘܼܟܬܵܝܗܝ ܡܸܢَܕܪܸܫَ ܠܵܐ ܡܫَܟ̰ܸܚܠܵܐ ܒܫܡܲܝܵܐ. 9ܘܦܸܫܠܹܗ ܪܘܼܦܝܵܐ ܗ̇ܘ ܬܵܢܝܼܢܵܐ ܓܘܼܪܵܐ؛ ܗ̇ܘ ܚܘܼܘܹܐ ܥܲܬܝܼܩܵܐ؛ ܗ̇ܘ ܕܦܝܵܫܵܐ ܝܠܹܗ ܩܸܪܝܵܐ؛ ܐܵܟܼܹܠܩܲܪܨܵܐ ܘܣܵܛܵܢܵܐ؛ ܡܲܚܠܸܛܵܢܵܐ ܕܟܠܵܗ̇ ܒܪܝܼܬܵܐ؛ ܦܸܫܠܹܗ ܪܘܼܦܝܵܐ ܥܲܠ ܐܲܪܥܵܐ؛ ܘܡܲܠܲܐܟܼܘܼ̈ܗܝ ܥܲܡܹܗ ܦܸܫܠܗَܘܿܢ ܪܘܼܦܝܹܐ. 10ܘܫܡܸܥܠܝܼ ܩܵܠܵܐ ܓܘܼܪܵܐ ܒܫܡܲܝܵܐ ܕܒܹܐܡܵܪܵܐ؛ ܐܵܕܝܼܵܐ ܗ݇ܘܹܐܠܹܗ ܦܘܼܪܩܵܢܵܐ ܘܚܲܝܠܵܐ ܘܡܲܠܟܘܼܬܵܐ ܕܐܲܠܵܗܵܐ ܕܝܼܲܢ؛ ܘܗܘܼܟܡܵܐ ܕܡܫܝܼܚܵܐ ܕܝܼܹܗ؛ ܣܵܒܵܒ ܕܦܸܫܠܹܗ ܡܘܼܢܦܸܠܵܐ ܗ̇ܘ ܡܵܚܝܵܢܵܐ ܕܕܲܪܗܲܩ ܕܐܵܚܘܿܢ̈ܘܵܬܲܢ؛ ܗ̇ܘ ܕܡܵܚܹܐ ܗ݇ܘܵܐ ܕܲܪܗܩܵܝ ܩܵܕ݇ܡ ܐܲܠܵܗܵܐ ܕܝܼܲܢ ܐܝܼܡܵܡܵܐ ܘܠܲܝܠܹܐ. 11ܘܐܲܢܹܐ ܓܼܠܸܒܠܘܿܢ ܐܸܠܹܗ ܣܵܒܵܒ ܕܕܸܡܹܗ ܕܦܹܪܵܐ؛ ܘܣܵܒܵܒ ܕܗܹܡܸܙܡܵܢ ܕܣܵܗܕܘܼܬܵܝ؛ ܘܠܵܐ ܡܘܼܚܸܒܠܘܿܢ ܓܵܢܵܝܗܝ ܗܲܠ ܡܵܘܬܵܐ. 12ܣܵܒܵܒ ܕܐܵܗܵܐ ܥܒܼܘܿܕܘܿܢ ܒܘܼܣܵܡܵܐ؛ ܝܵܐ ܫܡܲܝܵܐ؛ ܘܐܵܢܝܼ ܕܒܝܼܵܝܗܝ ܫܸܪܝܹܐ ܝܢܵܐ. ܘܵܝ ܠܐܲܪܥܵܐ ܘܠܝܵܡܵܐ؛ ܣܵܒܵܒ ܕܨܸܠܝܵܐ ܝܠܹܗ ܐܵܟܼܹܠܩܲܪܨܵܐ ܠܟܸܣܠܵܘܟܼܘܿܢ؛ ܕܐܝܼܬ ܠܹܗ ܟܲܪܒܵܐ ܓܘܼܪܬܵܐ؛ ܟܲܕ ܝܕܸܥܠܹܐ ܕܚܲܕَܟ̰ܵܐ ܙܲܒܼܢܵܐ ܐܝܼܬ ܠܹܗ. 13ܘܟܲܕ ܚܙܹܐ ܠܹܗ ܬܵܢܝܼܢܵܐ ܕܦܸܫܠܹܗ ܪܘܼܦܝܵܐ ܥܲܠ ܐܲܪܥܵܐ؛ ܛܪܸܕܠܹܗ ܠܒܲܟܼܬܵܐ ܗ̇ܝ ܕܝܠܸܕܠܵܐ ܠܐܘܿܪܙܵܐ. 14ܘܦܸܫܠܗَܘܿܢ ܝܘܼܗ݇ܒܼܹܐ ܠܒܲܟܼܬܵܐ ܬܪܹܝ ܓܘܼܠܦܵܢܹ̈ܐ ܕܢܸܫܪܵܐ ܓܘܼܪܵܐ؛ ܕܦܵܪܚܵܐ ܗ݇ܘܵܐ ܠܒܲܪܝܼܵܐ ܠܕܘܼܟܬܘܼܗ̇؛ ܐܲܝܟܵܐ ܕܦܵܝܫܵܐ ܬܘܼܪܣܝܼܬܵܐ ܬܵܡܵܐ ܥܕܵܢܵܐ ܘܥܕܵܢܹ̈ܐ ܘܦܲܠܓܵܐ ܕܥܕܵܢܵܐ؛ ܡ̣ܢ ܦܵܬܵܐ ܕܚܘܼܘܹܐ. 15ܘܕܪܹܠܹܐ ܗ̇ܘ ܚܘܼܘܹܐ ܡ̣ܢ ܦܘܼܡܵܐ ܕܝܼܹܗ ܒܵܬ݇ܪ ܒܲܟܼܬܵܐ ܡ̈ܝܼܵܐ ܐܲܝܟܼ ܢܲܗܪܵܐ؛ ܕܥܵܒܸܕ ܗ݇ܘܵܐ ܠܵܗ̇ ܕܦܵܝܫܵܐ ܠܘܼܒܸܠܬܵܐ ܡ̣ܢ ܢܲܗܪܵܐ. 16ܘܗܘܼܝܸܪܵܐ ܐܲܪܥܵܐ ܠܒܲܟܼܬܵܐ؛ ܘܦܬܸܚܠܵܗ̇ ܐܲܪܥܵܐ ܦܘܼܡܘܼܗ̇؛ ܘܒܠܸܥܠܵܐ ܠܢܲܗܪܵܐ ܕܕܸܪܝܘܼܗܝ ܗ݇ܘܵܐ ܬܵܢܝܼܢܵܐ ܡ̣ܢ ܦܘܼܡܹܗ. 17ܘܟܪܸܒܠܹܐ ܬܵܢܝܼܢܵܐ ܥܲܠ ܒܲܟܼܬܵܐ؛ ܘܐَܙܹܠܹܗ ܠܸܥܒܼܵܕܵܐ ܦܠܵܫܵܐ ܥܲܡ ܕܐܵܢܝܼ ܐَܚܹܪ̈݇ܢܹܐ ܕܙܲܪ̈ܥܘܼܗ̇؛ ܐܲܢܹܐ ܕܢܵܛܪܝܼ ܠܦܘܼܩܕܵܢܹ̈ܐ ܕܐܲܠܵܗܵܐ؛ ܘܐܝܼܬ ܠܗ݇ܘܿܢ ܣܵܗܕܘܼܬܵܐ ܕܝܼܫܘܿܥ ܡܫܝܼܚܵܐ.